Gürcüstanda koronavirusa yoluxanların mənbəyi müəyyənləşdirilir
Ötən gün Gürcüstanda ölümcül koronavirus
infeksiyası ilə altı yeni yoluxma hadisəsi aşkar edilib. GAXA-nın məlumatına
görə, Gürcüstan epidemioloqları bu mərhələdə koronavirusu olan altı yeni xəstədən
ikisində infeksiya mənbəyini müəyyənləşdirirlər,- deyə yoluxucu xəstəliklər xəstəxanasının
müalicə bölməsinin rəhbəri Marina Ezugbaia jurnalistlərə açıqlamasında bildirib.
Bildirilib ki, ötən gün ölkədə koronavirusa yoluxanların
sayı altı nəfər artıb və fevralın 26-dan bəri yoluxanların ümumi sayı 677 nəfər
olub.
"Dörd yeni infeksiyanın mənbələri məlumdur,
karantindədirlər və mövcud mənbələrdən yoluxmuşlar. İki xəstənin araşdırmaları
davam edir",- deyə Ezuqbaia jurnalistlərə bildirib.
Onun sözlərinə görə, bütün yeni yoluxmuşların vəziyyəti
qənaətbəxşdir.
Bu günə qədər 247 koronavirus xəstəsi klinikalarda
müalicələrini davam etdirir. Artıq 419 xəstə evə buraxılıb, 12 nəfər ölüb.
GAXA.ge