Gürcüstanda koronavirus infeksiyası hallarının sayı yenidən artıb
Gürcüstanda koronavirusa yoluxanların sayı 6 nəfər artaraq
683-ə çatıb. GAXA-nın məlumatına görə, Gürcüstan hökumətinin stopcov.ge xüsusi
saytının verdiyi məlumata görə, 419 nəfər sağalıb, 12 nəfər dünyasını dəyişib,
3822 nəfər karantin rejimindədir, 360 xəstə müşahidə altındadır.
Həmçinin, üç Gürcüstan vətəndaşı koronavirus diaqnozu
ilə xaricdən ölkəyə gətirilib.
Martın 21-də Gürcüstanda Koronavirus pandemiyası ilə
əlaqədar bir aylıq fövqəladə vəziyyət elan edilib. Hökumət daha sonra fövqəladə
vəziyyət rejimini 22 maya qədər uzadıb.
Gürcüstanda ilk koronavirus hadisəsi fevralın 26-da
qeydə alınıb. Martın 31-dən etibarən ölkə daxilində karantin rejimi qüvvədədir.
Axşam 21: 00-dan səhər 06: 00-a qədər komendant saatı da tətbiq olunub.
Aprelin 27-dən etibarən ölkədə tətbiq olunan məhdudiyyətlər
tədricən qaldırılıb.
GAXA.ge