Mayın 9-da Gürcüstan hökuməti İkinci Dünya Müharibəsi veteranlarına 600 lari birdəfəlik pul mükafatı verəcək
1945-ci il mayın 8-də Almaniyanın təslim olması
elan edildikdən sonra 2-ci Dünya Müharibəsi başa çatdı və 9 May faşizm üzərində
qələbə günü elan edildi. GAXA-nın məlumatına görə, bu gün II Dünya Müharibəsi
zamanı faşizm üzərində Qələbənin 75 illiyi qeyd edilir. Gürcüstanda 9 May Qələbə
Günü rəsmi olaraq tətil elan edilib. Bu gün Tiflisdə qazilər və sadə vətəndaşlar adətən
naməlum əsgərin xatirəsinə yaxın olan Vake parkında toplaşırlar.
Fövqəladə vəziyyət zamanı 22 May tarixinə qədər hər
hansı bir mitinq, toplaşma və nümayiş, habelə Qələbə Günü də daxil olmaqla mədəni
tədbirlərin qeyd edilməsi qadağandır.
Veteranlarla İş üzrə Dövlət Xidmətinin məlumatına
görə, İkinci Dünya Müharibəsi illərində 700 min insan müharibəyə gedib,
onlardan yalnız yarısı geri dönüb. On minlərlə insan dövlət mükafatlarına layiq
görülüb, 167 nəfər Sovet İttifaqı Qəhrəmanı olub.
Son məlumatlara görə, Gürcüstanda 371 İkinci Dünya
Müharibəsi veteranı yaşayır, onların ən yaşlısı 103 yaşında, ən gənci 94
yaşındadır.
Məlumata görə, mayın 9-da Gürcüstan hökuməti İkinci
Dünya Müharibəsi veteranlarına 600 lari birdəfəlik pul mükafatı verəcək.
GAXA.ge