Marneulidə dezinfeksiya işləri başlayıb
Marneulidə
dezinfeksiya işləri aparılır. GAXA-nın məlumatına görə, əhali bu tədbirdən
sevinib. Sakinlərin dediyinə görə, dezinfeksiya Puşkin küçəsindən başlayıb,
Rustaveli küçəsi boyu dezinfeksiya tədbirləri keçirilib. Deyildiyinə görə,
dezinfeksiya işləri Marneuli şəhərində başa çatandan sonra tədbir kəndlərdə də
həyata keçiriləcək.
Kvemo Kartli bölgə qubernatoru Şota Rexviaşvili bildirib ki, bölgə bələdiyyələrinin ərazilərində geniş miqyaslı dezinfeksiya işləri aparılacaq. Onun sözlərinə görə, dezinfeksiya ilə əlaqədar 8 xüsusi bölmə səfərbər olunub. Bildirilib ki, dezinfeksiya işlərinin həyata keçirilmə prosesinə Ətraf Mühitin Mühafizəsi və Kənd Təsərrüfatı Nazirliyinin, Milli Qida Agentliyinin xüsusi texnikası və mütəxəssis qrupları cəlb ediliblər.
Hələlik
Marneuliyə dezinfeksiya ilə bağlı 4 ədəd texnika gətirilib.