Marneulidə daha 4 nəfər koronavirusa yoluxub
Marneulidə koronovirusa yoluxmuş 67 yaşlı qadının
ailsəsində daha 4 nəfərin koronavirus xəstəliyinə yoluxduğu təsdiqlənib.
GAXA-nın məlumatına görə, bu barədə Koordinasiya Şurasının iclasından sonra
Milli Xəstəliklərə Nəzarət Mərkəzinin direktor müavini Paata İmnadze açıqlama
verib. Onun sözlərinə görə, hazırda həmin xəstələr Tiflisdəki xəstəxanaya yerləşdirilib.
P. İmnadze bildirib ki, onlar koronovirusa yoluxan qadının çox yaxın ailə üzvləridir.
Məlumata görə, həmin 67 yaşlı qadının ailəsinin 15
üzvü var. Bu məlumatı səhiyyə nazirinin müavini Tamar Qabunia bildirib. Onun
sözlərinə görə, qadının müalicə aldığı “Geo Hospital" xəstəxanasının 20 nəfər
həkimi də koronavirus müayinəsindən keçib.
Martın 24-nə olan məlumata görə, Gürcüstanda
koronavirus virusuna yoluxanların sayı 70 nəfərə çatıb, 9 nəfər sağalıb, 4055 nəfər
karantindədir, 252 nəfər xəstəxanadadır.
Xatırladaq ki, Gürcüstan hakimiyyəti martın 21-dən
aprelin 21-dək ölkədə fövqəladə vəziyyət elan edib. Martın 23-də Marneuli və
Bolnisi bələdiyyələrində karantin elan edilib.
GAXA.ge